「缘起」加入Gienne family的原因系，当时系疫情慨高峰期，啱啱好我当时慨公司唔需要咁多人手，所以我都开始寻觅新工，正好Gienne有一段时间唔喺香港，需要更多人帮手看管当时太古城pop up store，喺嗰个时候其实我已经系Gienne慨长期客户，认识咗Gienne都有一段时间，渠了解咗我慨情况之后，系机缘巧合之下，Gienne邀请我去太古城工作。
「重生」Gienne慨产品可以话令我重获新生，我之前唔识点样调解自己慨生活压力，而呢啲生活压力亦都影响到我慨身体。我当时慨皮肤状态非常差，你见唔到我面上慨皮肤有任何一部份系完整慨，可以想像我慨皮肤好似月球表面咁样，仲要唔系普通慨粉刺黑头，每一粒暗疮都系痤疮，即使我依家块面好咗好多，你都会见到暗疮喺我脸部留低慨痕迹。
「启蒙」当时Gienne推荐我用慨产品就系Harmony line，到现在Harmony 都系我最钟意慨系列，佢唔单止可以帮助到我消炎消红肿，佢仲喺香味上，帮助到我放松同舒缓情绪，而且渠亦都系我对精油香薰慨启蒙产品，渠令我更加了解自己的喜好，原来我好钟意广霍香慨味道，亦都会想继续透过香薰治疗同埋精油更加了解自己，跟自己交朋友。
「锐变」虽然我只系喺今次科学园慨活动，短短返咗大约两个月，但其实我都感受到有好大慨转变，我以前系好恐惧同陌生人讲嘢，即是普通喺餐厅落单我都要谂好耐，虽然而家大个咗都好返啲唔会太紧张，但系经过今次活动之后我先开始，真正学紧，乜嘢叫做「沟通」，
「沟通」其实系一个好高深慨学问，你唔单止要拥有一个能言善辩慨口才，亦需要有聆听人哋慨需要的耳朵，学习感受客人内心深处慨真正想法慨强大逻辑推理能力，令客人放松的幽默感，仲要拥有一个唔怕尴尬、唔怕俾人无视慨强大心脏，只要你缺乏其中一样嘢，你都未必可以好成功咁同其他人去沟通，去令到客人相信你的专业，相信公司慨产品。
「温暖」虽然我只系喺Gienne family工作咗短短一年，但已经产生左归属感，因为我由细到大我都唔会对一个地方产生归属感，无论系学校又好，返工又好，我只系会觉得，渠只不过系一个好普通慨地方，但系Gienne family 有啲唔同，系会令到我更加想留低，喺呢度工作唔同出边公司，呢一度慨人更加温暖。 Gienne family令我更加学识点样透过温暖别人，去温暖自己慨内心，Gienne更加身体力行咁，做一个榜样俾我睇，点样透过生命影响生命。
「愿景」有一样嘢，好想同大家分享有一日同Gienne返工，我哋喺度倾紧，究竟我哋同客人介绍公司，系用国际品牌？定系用香港本地品牌？紫昕倾向使用国际品牌，因为渠有好多客人都系世界唔同各地，后来我哋内部得出一个结论，用香港发迹慨国际品牌最好，因为香港系我哋慨根，国际品牌系我哋慨目标，但系无论我哋行得几远都好，我哋都唔可以忘记自己慨根，我亦都好希望帮到Gienne成功冲出香港，冲向国际，成为香港第一人。