[人去澳洲我去澳洲] 唔知道我係咪真係五行天生唔適合去南邊嘅地方，去咗澳洲讀書之後無啦啦得到玫瑰痤瘡，留學幾年時間裏面不斷睇西醫轉唔同嘅醫生，都係冇任何嘅改善，塊面紅到好似燒乳豬，人人見到都避開我，好似我有傳染病咁，除咗勁紅仲會有腫，刺痛，灼熱，好似燒傷咗嘅感覺。
[緣份的安排] 喺澳洲除咗帶咗個學位返香港之外，仲帶埋我嘅玫瑰座瘡，返到香港仍然不斷搵其他中西醫，但係都係冇改善，我已經處於放棄狀態，直到有一次聚會重遇到Gienne，隔左一排又再相約見面，佢無啦啦送咗一支油比我，話希望可以幫到我。
[油之初體驗] 以前我嘅護膚程序基本上就喺洗面+乳液完，對於10級油皮嘅我黎講真係有D 抗拒，再加上對護膚油完全零認識，真心怕會越用越油。 但喺Gienne 耐心分享及給我信心之下，膽粗粗用咗大概兩個星期左右，發覺皮膚真係冇咁紅亦都冇咁熱，唔舒服嘅感覺減少咗好多，仲完全冇越用越油既感覺，反而皮膚仲細緻咗，跟住就好奇寶寶上身，問Gienne 點解佢支油會有咁神奇嘅功效，比好多醫生介紹嘅產品更加好用。 簡單黎講就係成份優質既油同人體天然分泌的皮脂有90%以上相似，所以其實易吸收同埋發揮到精油的特別功效 呢個就喺我第一次接觸天然護膚油嘅機緣，自始我皮膚慢慢變得健康，同時戒甩咗粉底臉，亦變成了Gienne Tsui忠實小粉絲之一。
[香港人的通病] 由於上一份工作攪到個人精神緊張，每次公司電話響都心跳加速，放假不斷望住電話，一放3日以上既假就會病，決心辭職休養生息保命。 當時剛好Gienne的品牌剛剛好正式推出市場，需要增加人手。 了解到Gienne點解要做品牌的理念，想法，目標等等，一拍即合，當中最主要，最入我心的就喺希望幫助用家改善膚質。
[作為資深的過來人] 作為一個曾經唔鐘意照鏡，影相，摸自己塊面嘅過來人，我1000% 明白健康嘅肌膚對一個人嘅自信有幾重要！！ 而有自信地生活對於一個人的人生又有幾咁重要!! 最差嘅時候甚至逃避見人，一行出街就覺得d人好驚恐咁望住我塊面。 所以當Gienne邀請我一起發展品牌既時候，我就一口答應了，因為我非常希望可以好似Gienne幫助我咁樣，我都可以幫到其他人。
[簡單的人生目標] 由細到大我都算喺一個好簡單嘅人， 有幾多洗幾多，亦冇特別志向，直至加入到Gienne Family，我先發現生存同生活原來真喺有分別，喺滿足到自己理想生活同時又完成到一個又一個嘅目標，得到客人嘅信任，同事們一起為目標奮鬥，這才是生活。
[在Gienne Family 的感染下] 每一日都好enjoy工作，需然有好多工作，但每一樣完成了後都特別滿足，或許不夠完美，但一步一脚印的感覺真係覺得好感動，原來自己都可以做到，要多謝宇宙安排Gienne 的出現，幫我改善了肌膚問題之餘，亦給予我機會參與發展品牌，真心助人的宗旨一直承存著，期待之後與身邊的人一起努力，一起成長，一起享受當下每一個感動時刻。
[Time to love yourself] 這句Gienne slogan 已經入血，時不時都會提醒我要多留意自己的情緒，身心既反應，讓自己進步，咁樣更有能量愛身邊的人。