「緣起」加入Gienne family的原因係，當時係疫情嘅高峰期，啱啱好我當時嘅公司唔需要咁多人手，所以我都開始尋覓新工，正好Gienne有一段時間唔喺香港，需要更多人幫手看管當時太古城pop up store，喺嗰個時候其實我已經係Gienne嘅長期客戶，認識咗Gienne都有一段時間，佢了解咗我嘅情況之後，係機緣巧合之下，Gienne邀請我去太古城工作。
「重生」Gienne嘅產品可以話令我重獲新生，我之前唔識點樣調解自己嘅生活壓力，而呢啲生活壓力亦都影響到我嘅身體。我當時嘅皮膚狀態非常差，你見唔到我面上嘅皮膚有任何一部份係完整嘅，可以想像我嘅皮膚好似月球表面咁樣，仲要唔係普通嘅粉刺黑頭，每一粒暗瘡都係痤瘡，即使我依家塊面好咗好多，你都會見到暗瘡喺我臉部留低嘅痕跡。
「啟蒙」當時Gienne推薦我用嘅產品就係Harmony line，到現在Harmony 都係我最鍾意嘅系列，佢唔單止可以幫助到我消炎消紅腫，佢仲喺香味上，幫助到我放鬆同舒緩情緒，而且佢亦都係我對精油香薰嘅啟蒙產品，佢令我更加了解自己的喜好，原來我好鍾意廣霍香嘅味道，亦都會想繼續透過香薰治療同埋精油更加了解自己，跟自己交朋友。
「銳變」雖然我只係喺今次科學園嘅活動，短短返咗大約兩個月，但其實我都感受到有好大嘅轉變，我以前係好恐懼同陌生人講嘢，即是普通喺餐廳落單我都要諗好耐，雖然而家大個咗都好返啲唔會太緊張，但係經過今次活動之後我先開始，真正學緊，乜嘢叫做「溝通」，
「溝通」其實係一個好高深嘅學問，你唔單止要擁有一個能言善辯嘅口才，亦需要有聆聽人哋嘅需要的耳朵，學習感受客人內心深處嘅真正想法嘅強大邏輯推理能力，令客人放鬆的幽默感，仲要擁有一個唔怕尷尬、唔怕俾人無視嘅強大心臟，只要你缺乏其中一樣嘢，你都未必可以好成功咁同其他人去溝通，去令到客人相信你的專業，相信公司嘅產品。
「温暖」雖然我只係喺Gienne family工作咗短短一年，但已經產生左歸屬感，因為我由細到大我都唔會對一個地方產生歸屬感，無論係學校又好，返工又好，我只係會覺得，佢只不過係一個好普通嘅地方，但係Gienne family 有啲唔同，係會令到我更加想留低，喺呢度工作唔同出邊公司，呢一度嘅人更加溫暖。Gienne family令我更加學識點樣透過溫暖別人，去溫暖自己嘅內心，Gienne更加身體力行咁，做一個榜樣俾我睇，點樣透過生命影響生命。
「願景」有一樣嘢，好想同大家分享有一日同Gienne返工，我哋喺度傾緊，究竟我哋同客人介紹公司，係用國際品牌？定係用香港本地品牌？紫昕傾向使用國際品牌，因為佢有好多客人都係世界唔同各地，後來我哋內部得出一個結論，用香港發跡嘅國際品牌最好，因為香港係我哋嘅根，國際品牌係我哋嘅目標，但係無論我哋行得幾遠都好，我哋都唔可以忘記自己嘅根，我亦都好希望幫到Gienne成功衝出香港，衝向國際，成為香港第一人。